जसपा ठाकुर समूहको बैठक १ बजे बस्दै, यी बिषयमा छलफल हुँदै

कञ्चन आवाज
१६ असार २०७८

काठमाडौं – जनता समाजवादी पार्टी (जसपा)को महन्थ ठाकुर र राजेन्द्र महतो पक्षको कार्यकारिणी समितिको बैठक आज दिउँसो १ बजे बस्दैछ ।

बैठकमा निर्वाचन आयोगसँग जोडिएको पार्टीको विवाद र समूहभित्रको असन्तुष्टिका सम्बन्धमा छलफल हुने जनाइएको छ । जसपाको वैधानिकताको विवाद अहिले निर्वाचन आयोगमा छ ।

जसको दबाब ठाकुर–महतो पक्षलाई बढी नै देखिन्छ । आफ्नै समुहका नेताहरुबीच असन्तुष्टि बढेपछि ठाकुर पक्षमा समस्या चुलिएको छ ।

सर्बोच्च अदालतको गत असार ८ गतेको आदेशले सरकार छोड्न बाध्य हुनुभन्दा अघिदेखि नै ठाकुर–महतो पक्षभित्र असन्तुष्टि बढेको थियो ।

अहिले बाहिर नै प्रकट भइरहेको छ । अर्कातिर पार्टीको विवाद निर्वाचन आयोगले टुंगो लगाउने प्रक्रियामा छिरेर २२ असारमा दुवै पक्षलाई बोलाएको छ ।

Leave a Reply

Your email address will not be published. Required fields are marked *

Back to top button