सुर्य चिन्ह आफुले ल्याएको भन्दै माधब नेपालले भने आधिकारिक पार्टी हाम्रै हुन्छ

कञ्चन आवाज
९ माघ ,२०७७

नेपाल कम्युनिस्ट पार्टी (नेकपा) प्रचण्ड–नेपाल समूहका अध्यक्ष माधवकुमार नेपालले २०४८ सालमा सूर्य चुनाव चिह्न आफूले ल्याएको भन्दै सूर्य चिह्न आफूहरूले नै पाउने दाबी गरेका छन् ।

उनले प्रतिनिधि सभा पुनःस्थापना हुने र आफूहरूको पार्टी नै मूल पार्टी हुने दाबी गरे ।

शुक्रवार काठमाडौंको भृकुटीमण्डपमा आयोजित सभालाई सम्बोधन गर्दै नेता नेपालले भने– ‘निर्वाचन आयोगमा गएर सूर्य चिह्न ल्याउने म ज्युँदै छु । सूर्यप्रति माया ममता कसैलाई छ भने हामीलाई छ, गणतन्त्रको मायाममता कसैलाई छ भने हामीलाई छ ।’

नेता नेपालले आफूहरू प्रधानमन्त्री केपी शर्मा ओलीसँग कुनै हालतमा नझुक्ने बताए ।

‘ओलीसँग झुक्ने कुनै काम गर्ने छैनौं, सँगसँगै जाने स्थिति बन्ला भनेर भ्रम नपाले हुन्छ, हामी मूल्य र विचारको राजनीति गर्छौं,’ नेपालले भने ।

 

Leave a Reply

Your email address will not be published. Required fields are marked *

Back to top button