डडेल्धुरामा कांग्रेसको पुनः वडा अधिवेशन गर्न माग

कञ्चन आवाज
२ असोज २०७८

डडेल्धुरामा नेपाली कांग्रेसको भदौ २५ गते सम्पन्न भएको वडा अधिवेशन बदर गरी पुनः गर्न माग गरिएको छ। शनिबार पार्टी कार्यालय किशुन जी भवनमा बसेको कार्यसमिति बैठकले उक्त निर्णय गरेको हो।

पार्टीका कार्यवाहक सभापति करुणाकर भट्टको सभापतित्वमा बसेको बैठकले सातौं अधिवेशनको सन्दर्भमा क्रियाशील सदस्यता विवादबारे प्रमाणसहित उजुरीमार्फत केन्दीय सभापति शेरबहादुर देउवा तथा केन्द्रीय निर्वाचन समितिलाई जानकारी गराइसकेकाले सो अधिवेशन बदर गरी नयाँ मिति तोक्न आग्रह गरिएको छ।

बैठकले गरेको निर्णयको प्रतिलिपी पार्टी सभापति देउवा तथा निर्वाचन समितिलाई पठाइएको जिल्लाका कार्यवाहक सभापति भट्टले बताए। साथै उनले आफूहरुको माग सम्बोधन नगरी वडा अधिवेशन जस्तै एकलौटी रुपमा आगामी अधिवेशनका कार्यक्रम अगाडि बढाएमा आन्दोलन स्वरुप धर्ना र अनशन बस्ने निर्णय समेत गरी केन्द्रमा पठाइएको जानकारी गराए।

 

Leave a Reply

Your email address will not be published. Required fields are marked *

Back to top button