कोरोना कहर:झापा र कटहरीका दुई संक्रमितको उपचारका क्रममा मृत्यु

कञ्चन आवाज
१५ बैशाख २०७८

विराटनगरको नोबेल शिक्षण अस्पतालमा कोरोना भाइरसबाट संक्रमित भएका दुईजनाको उपचारका क्रममा मृत्यु भएको छ।

अस्पतालका प्रबन्धक नारायण दाहालका अनुसार बुधबार बिहान कटहरी गाँउपालिका र झापाको झापा गाँउपालिकाका दुईजना संक्रमितको उपचारका क्रममा मृत्यु भएको हो।

दाहालले मोरङको कटहरी गाँउपालिकाका ४५ वर्षीय पुरुषको बिहान करिब पौने ४ बजे मृत्यु भएको हो। ती पुरुषमा निमोनियाको समस्या थियो। कोरोना संक्रमण पुष्टि भएपछि उनलाई वैशाख १२ गते थप उपचारका लागि अस्पतालमा भर्ना गरिएको थियो।

त्यसैगरि झापा गाँउपालिका–१० का ५५ वर्षीय पुरुषको बिहान करिब १ बजे मृत्यु भएको हो । मधुमेहको समस्याबाट पीडित ती व्यक्तिमा संक्रमण देखिएपछि वैशाख १३ गते अस्पताल भर्ना गरिएको थियो ।

Leave a Reply

Your email address will not be published. Required fields are marked *

Back to top button