आज साउने संक्रान्ति, बिनायक बजारमा बाक्लो भिड

२०७७ साउन १ गते

१ साउन, अछाम । आज साउन महिनाको पहिलो दिन अर्थात् साउने सक्रान्ति पर्व मनाइँदै छ । असार महिनाभर धान रोपाइँलगायतका खेतीपातीका कारण थाकेका किसान हिलोमैलो पखाली घरपरिवार र आफन्तका साथ रमाइलो गरी भोज खाएर साउने संक्रान्ति पर्व मनाउने गर्दछन् ।

हिलोमाटोमा काम गर्नु पर्ने भएकाले छालासम्बन्धी रोग नलागोस् भनेर साउने संक्रान्तिको दिन लुतो फाल्ने प्रचलनसमेत छ । परम्परानुसार कागभलायो, कुकरडाइनो, लुतेझार, पानीअमला, कागती, अम्बा, नासपाती आदि औषधिका रुपमा समेत प्रयोग हुने वनस्पति राखेर कण्डारक नाम गरेका राक्षसको पूजा गरी अगुल्टो फालिन्छ ।
लुतो फाल्दा आ–आफ्नो कुल परम्परानुसार नाङ्लो ठटाउने, शंख फुक्ने, घण्ट बजाउने, ढोका बन्द गर्ने चलन छ । यसो गर्दा छालासम्बन्धी कुनै पनि रोग नलाग्ने विश्वास छ ।

साउन महिना भगवान् शिवको पूजा गरेर पनि मनाइन्छ । महिलाहरुले हरियो चुरा, रातो, पहेँलो वस्त्र, मेहन्दी लगाउँछन् र साउनको प्रत्येक सोमबार व्रत बसेर शिवको पूजा गर्दछन् ।

साउन महिनाभर देशभरका शिवालय विशेषगरी पशुपतिनाथ मन्दिरमा भक्तजनको भीड लाग्छ । तर, यस वर्ष कोरोना भाइरस संक्रमणको जोखिमका भिडभाड गर्न नपाइने भएकाले धेरैले घरमै बसेर साउने संक्रान्ति पर्व र साउने सोमबार मनाउँदैछन् ।

देशभर भिडभाड गर्न नपाइने भनिएपनी यतिखेर साउने सङ्क्रान्ती को चहलपहलले गर्दा सुदुरपस्चिम प्रदेश को पहाडी जिल्ला अछाम लगायत जिल्लाको बिनायक बजारमा ग्राहकहरुको बाक्लो उपस्तिथि रहेको छ।

देश कोरोना भाइरस कोभिड 19 ले थला परेको बेला यसरी सेवाग्राही हरुको बाक्लो उपस्तिथि ले कोरोना भाइरस को जोखिम बिनायक बजारमा झनै उच्च रहने प्रक्षेपण गरिएको छ।

Leave a Reply

Your email address will not be published. Required fields are marked *

Back to top button